Оңтүстік Кореяда өтетін бизнес-идеялар байқауының финалистері анықталды. Оған Қазақстан атынан төрт адам қатысады, деп хабарлайды Хабар-24 .
Жалпы Орталық Азия елдерінен барлығы 70 жоба келіп түскен. Оның ішінде 20 идеяны қазақстандықтар ұсынды. Байқауды Корея қоры және «Корея Республикасы - Орталық Азия» ынтымақтастық форумының хатшылығы ұйымдастырып отыр. Қатысушылар Оңтүстік Корея мен Орталық Азия елдері арасында ынтымақтастықты нығайтуға бағытталған жобаларды ұсынды. Жеңімпаздар қараша айының 6-сында белгілі болады. Байқаудың бас жүлдесі - 5 мың АҚШ доллары. Бұдан басқа, конкурстың барлық қатысушылары Оңтүстік Кореяның жетекші іскер кеңесшілерінің семинарларына қатысады. «Қазақстан өкілдері медицина, өндіріс және логистика салалары бойынша тың жобаларды ұсынды. Олардың идеялары креативті. Сондықтан қазылар алқасы жоғары бағалады. Барлық үміткерлер топтарға бөлінеді және финалда жүлделі орындар үшін бақ сынайды», - дейді қазылар алқасының мүшесі Чон Чханг.
Елордада 3 қарашада YPO жастар бизнес-форумы өтеді
Астана қаласында Қазақстанның белгілі кәсіпкерлері ұйымдастырған жас кәсіпкерлерге арналған YPO жастар бизнес-форумы өтеді, деп хабарлады ҚазАқпарат.
YPO жастар бизнес-форумы: жас кәсіпкерлерге арналған бизнес көшбасшылары 3 қарашада Қазмедиа орталығында өтеді. YPO (Young Presidents Organisation) - кәсіпкерлер мен компания иелерінің халықаралық жабық клубы, оған әлемнің 130 елінен 25 мың табысты бизнес өкілдері кіреді. Қазақстанда ондай кәсіпкерлер 20 шақты. Олардың бесеуі форумда спикер болады - Lancaster Group директорлар кеңесінің төрағасы және акционері Берік Қаниев, BI Group компаниясының акционері және директор кеңесінің төрағасы Айдын Рахымбаев, Altyn Kyran Group бақылау кеңесінің төрағасы және акционері Исламбек Салжанов, CEO Globalink Logistics Сиддик Хан, Forbes шығарушысы Арманжан Байтасов. Спикерлер табысқа жету құпияларымен, практикалық кейстерімен және бизнес жүргізу бойынша кеңестерімен бөліседі. YPO Kazakhstan тек стартаперлер мен кәсіпкерлерді ғана емес, сондай-ақ кәсіпкерлікпен айналысуға ниетті университет түлектерін де қатысуға шақырады. Форумға қатысу тегін. Тек электрондық тіркеу жасау қажет: bi-group.org
Иллюстративное фото - Анастасия Лебедева.
