Зымыран жылдардың қанатында жылжыған жылдар, аунаған айлар мен көшкен күндер тарих парағынан орын алған оқиғаларды күн санап алыстатып барады. Алайда, осы бір шежірелі парақтың бетінде қалған өмір шындығы адамзаттың жадында! Ананы баласынан, аруды сүйген жарынан, сәбиді әкесінен айырған жиырмасыншы ғасырдың қанды қасабы — Ауған жеріндегі соғыс. Қазақтың талай боздағының туған жерге қаралы табытпен оралғанын ұмыту мүмкін емес. Оған да 30 жыл болып қалыпты. Осыған орай Атырау облыстық Ауған соғысы ардагерлері қоғамдық бірлестігі мен облыстық газет ұжымы жаңа жобаны  қолға алған болатын. Бұл жайлы бүгінгі «Замандас» айдарынан оқи аласыздар.  

Екі айдан астам уақыт біз «Замандас» айдарында осы сауалға жауап іздедік. Бүгін сол сырлы сұхбаттар мен өзіндік ойын жеткізген кейіпкерлеріміз жайлы топтама материалдарды жарияламақпыз. Мақсат- біз үлгі алатын жандардың арамызда жүргенін көпшілік оқырманымызға жеткізу,ой тастау.  «Замандас» айдары бойынша алғашқы ұсынылып отырған сұхбатымызда  өздері жеке кәсібін ашып қана қоймай, қаншама замандастарына да шарапаты тиген отбасы жайлы таныстырмақпыз.