Жобаны «Астана Innovations» АҚ Seedstars (Швейцария) Халықаралық бизнес-акселераторымен бірлесіп жүзеге асыруда, деп хабарлайды Qazir.kz елорда әкімдігінің ресми сайтына сілтеме жасап.
«2019 жылдың наурызында қалалық инновациялық алаң ашылады деп жоспарлануда. Ол стартап-жобаларды дамыту және халықаралық деңгейде тәжірибе алмасуды қамтамасыз етеді. Сондай-ақ, бір орында біріккен кәсіпкерлер мен инноваторлардың жаңа буынын қалыптастыруға жол ашады», – дейді қалалық Инвестициялар және кәсіпкерлікті дамыту басқармасының басшысы Әлішер Әбдіқадыров.
Бұл ТМД-дағы Seedstars басқаратын алғашқы коворкинг-орталық болып табылады. Компания желісіне 70 мыңнан астам стартапшы, кәсіпкерлер мен инвесторлар кіреді.
