Бүгінгі «Сиқырлы әлем» айдарынан театрлардың жазғы маусымдағы қойылымдарымен танысасыздар.
Өнер сүйер қауым! Астана қаласының 20 жылдық мерейтойы қарсаңында театр сахнасынан келесідей туындыларды тамашалауды ұмытпаңыздар:
Әлемге аты шыққан «Астана опера» театрыннан 22 маусым сағат 19:00-де, 23 маусым сағат 18:00-де Дж.Пуччинидің «Турандот» операсының көрермені болыңыз. «Астана Опера» және Бейжің Ұлттық опера театрының бірлескен жұмысы қиял-ғажайыпқа толы болмақ. Билеттертің бағасы – 500 теңгеден 10.000 дейін.
17 маусым сағат 18:00-де «Под музыку Вивалди». Орындаушылар - «Астана опера» театрының камералық оркестрі.
29 маусым сағат 19:00-де «Фантазия, блюз, фокстрот». Өтетін орны – камералық зал. Билеттер 1500 теңгеден.
6, 7 шілде сағат 18:00-де Адольф Аданның «Корсар» балеті (Дж. Байронның аттас поэмасы бойынша). Балетті сахналау барысында эксклюзивті 220 сахна киімдері тігілген, ең басты декорациясы саналатын алып кеме 3D жобасында жасалып көрерменді ерекше әсерге бөлейді. Билеттердің бағасы – 500 теңгеден 6000 дейін.
21 және 22 шілде сағат 18:00-де «Заманауи хореография кеші». Бұл Л.Ван Бетховен мен қазақстандық композиторлардың музыкасына қойылған бір актілі 2 балет. Бірінші бөлімінде «Сколько длится счастья» балеті, екінші бөлімінде «Воздушное кочевье» балеті көрсетілмек. Билеттер 500 теңгеден 7000 дейін.
Еске салайық, өткен жылы қала күні қарсаңында «Астана опера» ұжымы ашық аспан астындағы сахнада «Аида» операсы мен «Дон Кихот» балетін қалың көрерменге ұсынған болатын.
Қ. Қуанышбаев атындағы Мемлекеттік академиялық қазақ музыкалық драма театрының репертуары:
19 маусым сағат 19:00-де «Қоштасқым келмейді...» драмасы. Пьеса ажырасуға бел буған сегіз отбасының тағдыры жайында. Билеттердің бағасы 500 теңгеден басталады.
21 маусым сағат 19:00-де «Сыған серенадасы» мюзиклі. Шәмші Қалдаяқов жазған танымал әннің тарихы туралы. Билеттердің бағасы 500 теңгеден басталады.
29 маусым сағат 19:00-де «Сүрінген сүрбойдақ» комедиясы. Жалғызбасты жігіттің өмірлік жарын жолықтыру жолындағы тағдыры баяндалады. Билеттер 1000 теңгеден басталады.
30 маусым сағат 19:00-де «7+1» премьерасы. Драма жанрындағы пьеса. Сюжетке жындыханаға түсіп әділеттік іздеген жігіттің әсерлі тағдыры арқау болған. Билеттер 1000 теңгеден басталады.
Қажетті мәліметтер театрлардың ресми парақшаларынан алынды.
Фото: "Астана опера" тетры сайтынан алынды
