Голливудтың жұлдызы Кіші Роберт Дауниді жақын уақытта тағы қандай жаңа фильмдерден көре аламыз? Актер әлемді құтқарушы не тарихи тыңшы ғана емес,  қарапайым ветеринар кейпіне де енбек. Бұл туралы толығырақ «Сиқырлы әлемнен» оқисыз.

Актер Кіші Роберт Дауни «Шерлок Холмс» фильмінің үшінші бөліміне түсейін деп жатқанын хабарлады. Ол Twitter-дегі (@RobertDowneyJr) өз парақшасында өзінің GIF-суретін салып, «Practicing my Sherlock face» («Шерлоктың бет-бейнесін жасауға жаттығудамын») деп жазды. Сонымен де бұған дейін актер инстаграмда «Шерлок Холмс: Игра теней» сиквелінің кадрларынан фото жариялаған болатын. Осылайша, Кіші Роберт Дауни көрерменнің фильмге деген қызығушылығын арттырды.

Бірінші «Шерлок Холмс» үлкен экранда 2009 жылы пайда болды. Түсірілімнің жалпы қаражаты 90 млн. доллар бола тұра, фильм прокаттан 524 млн. доллар жинады. Фильмінің екінші бөлімі 2011 жылы шықты, оның кассалық түсімі 545 млн. доллар. Ал «Шерлок Холмстың» үшінші бөлімі барша киноманға 2020 жылдың соңында, дәлірек айтса, 25 желтоқсанында жол тартады.

Үшінші «Шерлок Холмсты» кім түсіретіні, әзірге, белгісіз. Осыған дейінгі екі фильм режиссер Гай Ричиге тиесілі. Ал Шерлок Холмстың адал серігі Доктор Ватсонды Джуд Лоу ойнайды.

Сондай-ақ, алдағы жақын уақытта көрермендер Marvel-дің жұлдызы Кіші Роберт Дауниді «Путешествие доктора Дулиттла» фильмінен көре алады. Тамыз айында Кіші Роберт Дауни «Путешествие доктора Дулиттла» фильміне түсіп болған еді. Фильмде актерді супер қаһарман не тыңшы ретінде емес, жануарлардың тілін білетін ветеринар образында көретін боламыз. Бұл фильм кинотеатрлардан 2019 жылдың 23 мамырында көрсетіледі.

Ал 2020 жылдың 2 мамырында «Мстители 4» блокбастері жарыққа шығады.

Материалды дайындаған Мақпал Аманбай.

Ақпараттар және фото ашық ақпарат көздерінен алынды.