Жақсылыққа қайырымдылықпен жауап беру әр жанның болмысына біткен ізгі амал. Маңайыңдағы мұқтаждарға мейірімділік пен ізгілік, достыққа адалдық таныту – адамгершіліктің белгісі болса, адамзаттың барлығына «бауырым» деп қарау Абайдан қалған өсиет. Сөзіңнен емес ісіңнен, жүрегіңді жарып шығатын қайырлы іс жайында басқа қандай қанатты сөздерді білеміз. «Қайырлы істің» бүгінгі шығарылымында адамның асыл қасиетіне қатысты нақыл сөздер ұсынылады.

Қайыр бар жерде ырыс бар.

Халық даналығы

Мен тарыдай жақсылық қылсам, таудай зұлымдығымды жасырғалы қылам. Сөйтіп жүріп, адам атануға ұялмаймын.

Шәкәрім Құдайбердіұлы

Адам жақсылыққа өз еркімен бет бұрса ғана нәтиже шығара алады.

Иоганн Вольфганг фон Гёте

Ешқашанда ешкімді жамандама. Ең жаман деген адамның да өз жақсылығы болады.

Әзілхан Нұршайықов

Құдайдың жақсылығы басыңда тұр.

Мәшһүр Жүсіп Көпейұлы

Жамандық пайда етпейді, жақсылық зая кетпейді.

Халық даналығы

Өзін ғана ойлаған,

Жамандықтың белгісі.

Өзгені де ойлаған,

Адамдықтың белгісі.

Үлгілі сөз білмеген,

Надандықтың белгісі.

Бар-жоғына қарамас,

Анық жомарт, ер кісі.

Шағырай шешен

Жақсылық - ұмыт, жаңылыс - кек.

Абай Құнанбайұлы

Жақсылық — бұл, кереңнің ести алатын, соқырдың көре алатын дүниесі.

Марк Твен

Жақсылыққа үлгі көрсетіп жетпесе, уағыз айтумен жету қиын.

Сенека

Біреуге бір жақсылық жасап, одан бірден алғыс күтуге болмайды.

Александр Куприн

Адам ақылды, кішіпейіл, әділ, батыл да, қайырымды болуға тиіс. Тек сонда ғана оның осынау адам деген мәртебелі атпен аталуға құқы болады.

К.Г.Паустовский

Жақсылыққа жақсылық – әр кісінің ісі,

Жамандыққа жақсылық – ер кісінің ісі.

М.Әуезов

Маңына ұрық шашпаған жақсылық, жапанда жалғыз өскен бәйтерекше, тұл болады да қалады.

Мұхтар Әуезов

Адамдармен жақсы мәміле ету ақылдың жартысы. Сұрақты дұрыс сұрау ғылымның жартысы.

Ариф Ривагари

Жақсылық еккен алғыс орады.

Халық даналығы

Қайырлы істі үйреткен мектеп –бақытты мектеп.

Ян Амос Коменский

Тәкаппарлық көптеген жақсылықтарға тосқауыл болады.

Әли Самарқанди

Жақсылық қылсаң, жарлы болмассың.

Халық даналығы

Qazir  осы нақыл сөздерді  ғибрат  алсын деген ниетпен жариялап отыр.

Иллюстративное фото - из открытых источников