Тамыз айында кинотеатрлардан қандай фильмдер көрсетілетіні «Сиқырлы әлем» айдарында айтылады.
«Кристофер Робин».
Сюжеті:
«Лондонда тұратын Кристофер Робин деген ер азамат жанұясына уақытын жеткізе алмай, бастыққа көңілі толмай, жұмыстан шаршап жүрген кезінде, саябақта балалық шағының досы Винни қонжықты кезіктіреді. Қызықтың бәрі содан басталады!»
Фильм – «Диснейға» тиесілі және «Красавица и Чудовище» фильмін түсірген студияның келесі туындысы.
Қазақстандық премьерасы – 2 тамыз 2018 жыл.
Жанры: мультфильм, мюзикл, фэнтези, драма, комедия, шытырман оқиға.
«Кодекс Готти».
Сюжеті:
«ХХ ғасырдың ең танымал қылмыскері Джон Готти туралы гангстерлік аңыз».
Джон Готтиді ойнайтын актер – Джон Траволта. Ең қызығы, бұл фильмге Джон Траволта жанұясымен бірге түскен. Фильмнен оның әйелі Келли Престон мен қызы Элла Блью Траволтаны көресіздер. Сонымен қатар атақты Аль Пачино, Бен Фостер сияқты белгілі тұлғалар да экраннан тыс қалмаған.
Қазақстандық премьерасы – 2.08.2018 жыл.
Жанры: драма, қылмыс, өмірбаян.
«Шпионская игра».
Сюжеті:
«Шынайы болған оқиға. Екінші дүниежүзілік соғыс кезі. Мо Мерг деген интелектуал, полиглот, спортшы-бейсболшының қарапайым өмірі аяқ асты өзгереді. Оның жан-жақтылығы көзге түсіп оған халықаралық шпион болуға ұсыныс келеді. Берілген басты маңызды тапсырма – фашисттік Германияға барып, атом бомбасын жасап шығарушы Вернер Гейзенбергті табу не жер жүзінен жою».
«Спасти рядогого Раяна» фильмін түсіргендердің келесі туындысы.
Жанры: триллер, шытырман оқиға.
Қазақстандық премьерасы – 2.08.2018 жыл.
«Mamma Mia! 2»
Шоу жалғасады! Сүйікті кейіпкерлер Грецияның шуақты жағалауына ән мен би, шаттық пен махаббат үшін қайта оралады.
Жанры: мюзикл, комедия.
Қазақстандық премьерасы – 16.08.2018.
«Статья на двоих».
Сюжеті:
«Журналистикаға жаңадан келген Абай беделді бір редакцияға жұмысқа тұрғысы келеді. Бірақ Райна деген әріптесі жолын орап кете береді. Райнадан асып түсем деп жүріп, Абай кезінде танымал журналист болған атасының аяқталмай қалған журналисттік тергеуін жалғастырмақ болады. Алайда Райна бұл істі Абайдан бұрын қолға алған...».
Қазақстандық фильм.
Жанры: қылмыстық комедия.
Премьерасы: 30.08.2018.
Материалды әзірлеген Мақпал Аманбай.
Ақпараттар және фото ашық ақпарат көздерінен алынды
