ҚР Ауыл шаруашылығы министрінің АҚШ-қа сапары барысында А. Бараев атындағы АШҒӨО суару саласындағы танымал америкалық ұйым Valmont компаниясымен келісім-шартқа қол қойды, деп хабарлайды орталықтың баспасөз қызметінен.  

Valmont Industries-пен келісімнің мақсаты - Қазақстан Республикасының агроөнеркәсіптік кешенін дамытудың 2017-2021 жылдарға арналған мемлекеттік бағдарламасы аясында суармалы полигон (ақылды полигон) құру. Жоба ауыл шаруашылығы дақылдары мен ирригациялық жүйелерді өсірудің жаңа инновациялық агротехнологияларын, сондай-ақ АШҒӨО базасында мониторинг және бақылау технологияларын көрсетуге бағытталған. 

Жобаға білім беру, қолданбалы зерттеулер жүргізу және оларды практикалық қолдану үшін қазақстандық ауыл шаруашылығы кәсіпорындарының мамандары мен басшылары, Қазақстанның аграрлық саласындағы кәсіби оқу орындарының оқытушылары тартылатын болады.

Компания ғылыми орталыққа соңғы үлгідегі үш жаңбырлатқыш қондырғыны жеткізеді. Жаңа агрегат өнімділікті арттыруға және су ресурстарын үнемдеуге мүмкіндік береді. Тың жобаға бөлінген инвестиция көлемі шамамен 200 млн. теңге. 

Айта кетсек, А. И. Бараев атындағы астық шаруашылығы ғылыми-өндірістік орталығының миссиясы - өсімдік шаруашылығын әртараптандыру, ғылыми-білім беру қызметтерін ұсыну арқылы Солтүстік және Орталық Қазақстанның агроөнеркәсіп кешені экономикасының жедел ғылыми-технологиялық дамуын қамтамасыз ету.

Фото: baraev.kz